Eroski Consumer-en ataria finalista izan da 2012ko Internet Sarietan

Atari onenaren sailean finalista izan da Eroski Consumer webgunea. Iberoamerikako Interneteko erabiltzaileen elkarteek eta zibernautek ematen dituzten sariak dira Internet Sariak. Informazioaren gizartearen egunaren harira ematen duten sariak dira.
Card image cap
Eroski Consumer atariko irudia.
2012/05/21

Epaimahaiaren esanetan Eroski Consumer ataria erosoa eta gizarte-zerbitzua ematen duen ataria da. Eroski Consumer aldizkariaren bilakaera naturala da ataria. 1998ko urtarrilean martxan jarri zutenetik paperean lekurik ez zuen informazio eguneratua eskaini du. Atari onenaren saria RTVE a la carta webguneak irabazi du, eta Trip Advisor ere finalista izan da.

Lau sail

Ataria lau sail handitan banatuta dago: elikadura, etxebizitza, bidaiak eta teknologia berriak. Gainera, 1998az geroztik argitaratu diren aldizkari guztiak daude webgunean.
Eroski Consumer atariko zuzendari Alejandro Martinezen esanetan: “Egunero lan egiten dugu erabiltzaileei informazio erosoa eskaintzeko. Gure lanaren parte da irakurleei modu arduratsuan eta beharren arabera kontsumitzen erakustea”.

Internet Sariak 1997an sortu zituzten.

Banaketa komertziala