Ekintzailetzaren gaineko bederatzi esperientzia aurkeztuko dira iraileko Dreamworks saioan

MONDRAGONen bisio berriak Korporazioaren oinarri ekonomikoak eraldatzeko prozesu bat gauzatu behar dela agerrarazi du, etorkizuneko ekonomiaren erronka lehiakorretara egokitzeko. Eraldaketa horretarako, beste estrategia batzuen artean, etorkizunean garatzeko potentzial handia duten jarduera-sektoreetan enpresa ekimen berriak sustatu behar dira.
Card image cap
Ekintzailetasunaren gaineko jardunaldi bat Mondragon Unibertsitatean
2012/09/03

Eginkizun horretan guztiz funtsezkoa da MONDRAGON Korporazioaren baitan azken aldian garatu den esperientzia ekintzailetik ikastea, eta irakaspenak barneratzea, ekintzailetza prozesuen fidagarritasuna handitzeko xedearekin eta, era berean, gure kooperatiben barruan ekintzailetza sustatzeko estrategiak definitzeko.

Hori izango da esperientzia ekintzaileei buruzko Dreamworks saio monografikoaren asmoa, eta bere helburuaren publikoa MONDRAGON Korporazioan ekintzailetzaren inguruko esperientzietan inplikatuta dauden pertsona guztiak dira, zeinahi modalitatetakoak.

Saio monografikoaren formatua honako hau izango da: MONDRAGONeko negozio berrien esperientzia ekintzaileen aurkezpena, bere protagonisten eskutik: Sonia Ortubai (Abantail), Iñaki Roa (GSR), Antxon Lz. Usoz (Danobatgroupeko esperientzia ekintzaileak), Joseba Sagastigordia (Proiek), Juan Izeta (MLS/ESLITE), Javier Lara (Ekisun), Daniel de los Toyos (Isoleika), Juan Larrañaga (Gerodan) eta Jose M. Usatorre (Biobide).

Irailaren 27an, Otaloran

Esperientzia Ekintzaileei buruzko DREAMWORKS saio monografikoa Aretxabaletako Otalora jauregian egingo da, 2012ko irailaren 27an, goizeko 9etatik aurrera, eta lanegun oso bat iraungo du.

MONDRAGONen BACeko Dreamworks saioan parte hartzeko izena eman beharra dago,  telefonoz deituta (943082215) edo helbide elektroniko honetara mezu bat idatzita: mondragon-cp@mondragoncorporation.com.

Enpresen Egokitze-Diseinu prozesuaren optimizazioa eta automatizazioa

Makina erremintaren diseinua eta fabrikazioa

Egosketa elektrikorako irtenbideak

Zaharrei egokitutako altzariak

Zaharrei zuzendutako gizarte eta osasun zerbitzuen kudeaketa integrala

Zerbitzu sektorean espezializatutako ikerketa zentroa