2017-12-15T18:44:40+01:00

Tresna pertsonalak

TUlankide MONDRAGON

Ederfil Beckerrek Bikain ziurtagiria erdietsi du

2016/01/18

Ederfil Becker kooperatibak Bikain Euskararen Kalitate ziurtagiriak jaso zuen abenduaren 21ean Gasteizko Europa Jauregian egindako ekitaldian.
Ederfil Beckerrek Bikain ziurtagiria erdietsi du

50 pertsona baino gehiago elkartu ziren Euskararen Kalitate Ziurtagirien 8. edizio honetan, eta Eusko Jaurlaritzako Lehendakariarekin batera, Cristina Uriarte, Eusko Jaurlaritzako Hezkuntza, Hizkuntza Politika eta Kultura sailburua, Patxi Baztarrika, Hizkuntza Politikarako sailburuordea izan ziren, enpresa, politika eta gainerako gizarte sektoreen ordezkariekin batera.

Bikain enpresa nahiz erakundeetan euskararen presentzia, erabilera eta kudeaketa egiaztatzen duen ziurtagiri bat da, Eusko Jaurlaritzak ematen duena. Ederfil Beckerren kasuan, zilarrezko ziurtagiria erdietsi du.

Argazkian, eskerretik eskubira, Maitane Aierdi, Euskara Planaren kidea; Pablo Mendizabal, zuzendaria; Unai Elola, presidentea; eta Aitor Goiburu, Euskara planaren koordinatzailea.

Beste 5 kooperatiba Bikain

Bikain ziurtagiria 2008an abiatu zen. Harrezkeroztik Korporazioko 27 kooperatibak eskuratu du Bikainen ziurtagiriren bat.

Euskalit Bikaintasunerako Euskal Fundazioarekin lankidetzan Eusko Jaurlaritzak antolatuta erakunde batean euskararen erabilera, presentzia eta kudeaketa ebaluatzen duen   Bikain kanpo ebaluazioak 65 ziurtagiri banatu zituen 2015eko abenduan, eta horietako 5 MONDRAGON Korporazioko kooperatibak dira: Ederfil-BeckerLatz etaSoralucek tarteko maila edo zilarrezkoa eskuratu dute, eta Mondragon Assenbly eta Laboral Kutxaren urruneko bankak goi maila edo urrezkoa.

Zorionak guztioi!


Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak