Irakurriena
- 1. Gipuzkoako Bazkundeak 2024ko Gipuzkoako Enpresa saria eman dio MLAKoop kooperatibari
- 2. Arkaitz Etxezarreta, Errekako zuzendari nagusi berria
- 3. “Gizarte hobe bat sortzea, hori da gure utopia eta, gure inperfekzio guztiekin, utopia hori lurreratzen saiatzen gara”
- 4. Espainiako Bankuko gobernadoreak MONDRAGON bisitatu du
- 5. Errekak Darwin Biomed startuparekin bat egin du, Health linea bultzatzeko helburuarekin
- 6. Ingeniaritza eta Zerbitzuen Dibisioa Advanced Factories-en egongo da
- 7. Arizmendi ikastola, 20 urte
- 8. Parte-hartze handia LagunAro BGAEren 2024ko ohiko batzarrean
- 9. LKS Next Estatuko lehen 100 teknologikoen artean, 2023ko fakturazioaren arabera
- 10. Kooperatiben Korrikako argazki galeria ikusgai
E3! ekimenak 15 gazte ekintzaileri lehenengo aukera eskainiko die
MONDRAGONeko BACek (Business Acceleration Center) eta Mondragon Unibertsitateko Goi Eskola Politeknikoak “Etorkizuna Elkarrekin Eraikiz!” proiektuaren bigarren edizioa (E3! proiektua) jarri dute martxan, "Gazte ekintzaileak bilatzeko eta etorkizuna elkarrekin eraikitzeko!" goiburuarekin. Ekimenaren bidez, ekintzaile izaera duten 15 tituludun langabek euskal enpresa ezberdinetan ekintzailetza edo barne-ekintzailetza prozesuak garatuko dituzte.
E3! proiektuak Europako Gizarte Funtsaren finantzazioa du
Proiektu hau gauzatzeko orduan kontutan izan dira, besteak beste, honako irizpidea: lanik gabeko gazteek osatutako giza kapital garrantzitsu bat dagoela goi mailako prestakuntza tekniko eta unibertsitarioa duena eta esperientzia ekintzaileen protagonista izateko moduan dagoena.
Horrez gain, ekintzailetzarekin konprometituta dauden euskal enpresak ere egitasmoaren oinarri dira eta horretarako, enpresa hauek oinarri teknologikoa duten negozio berrien proiektuak proposatu dituzte, esparru horretan garatzeko.
Enpresek hautatzen dituzte hautagaiak, curriculumak aztertuz eta elkarrizketak eginez. Gainera, enpresa horiek pertsona ekintzaileak kontratatzen dituzte, eta aipatu enpresa horietan garatuko dituzte proiektuak. Hautatuek proiektuari sei hilabetez dedikazio osoa eskaintzeko konpromisoa hartuko dute, eta ordainsari ekonomikoa jasoko dute. Gainera, sustatzaileek lana enpresako instalazioetan garatuko dute, bertako tutoreak gainbegiratuta. Gainera, hautagaiek proiektuaren baitan ekintzailetza formazioa jasoko dute, eta proiektuaren aurrerapen partzialak eta azken proiektua aurkezteko saioak egingo dituzte, prozesuan inplikatutako enpresetako eta erakundeetako ordezkarien aurrean.
Sustatzaileen esanetan, "ekimen honi esker, gazteek esperientzia eta gaitasuna lortuko dute benetako ekintzailetza-esperientziak protagonizatuz; negozio berrien ekintzailetzarekin konprometitutako enpresetan sartuko dira; negozio berriei ekiteko kezka eta pasio bera duten beste pertsona batzuk ezagutuko dituzte; eta batzuetan beren karrera profesionala birbideratzeko aukera izango dute, etorkizuna duten enpresa-ekimenetan kolaboratuz".
E3! proiektuak Europako Gizarte Funtsaren finantzazioa du, Eusko Jaurlaritzako Enplegu eta Gizarte Politiketako Sailak kudeatzen duen Gazte Enplegurako Programa Operatiboaren (2014-2020) esparruan.