2017-10-23T15:15:16+02:00

Tresna pertsonalak

TUlankide MONDRAGON

Brokante teknologikoak 19 proiektu erakarri ditu lehenengo edizioan

2013/01/24

MONDRAGON Korporazioaren inguruan diharduten kooperatiba, berrikuntza gune eta promozio zentroetako 19 proiektu ezagutzeko aukera izan dute gaur Garaia berrikuntza guneko H-eneara gerturatu direnak. MONDRAGONeko BACek (Business Aceleration Center) antolatuta egin da Brokante teknologikoaren lehenengo edizioa.

"Ganbaran genituen proiektuei bigarren aukera bat eman nahi genien eta helburu horrekin antolatu dugu Brokante Teknologikoa" adierazi die Mikel Orobengoa BACeko ordezkari eta egitasmoaren antolatzaileak Garaiara bertaratutakoei. Ia 50 lagun eta guztira 19 proiektu aurkeztu dira egitasmoaren lehenengo edizioan. "Energia eraginkor eta berriztagarriak, eraikuntza arloa, jasangarritasuna... arlo horietako proiektuak dira gaur ezagutzera eman dizkigutenak, guztiak ere bigarren aukera baten bila gerturatu direnak".

brokante teknologikoa2

Stirling Zentroak azokara eramandako gailuetako bat, gaur Garaian.

Proiektuen aurkezpena

Goizeko 9etan abiatu da Brokante Teknologikoa H-enearen egoitza nagusian, Garaia Berrikuntza Gunean. Orobengoak egin du aurkezpena eta ondoren ekintzaile eta kooperatiben txanda izan da. Bakoitzak bere proiektua defendatu du, hamabost bat minutuko saio laburretan.

brokante teknologikoa3

BACen asmoa da gaurko forotik proiekturen baten merkaturatzea bultzatzea, "19tik bat gauzatuko balitz arrakastatsua izango litzateke aurreneko Brokante Teknologikoa", adierazi digu Mikel Orobengoak. Aurkezpenen txanda amaituta, eztabaidaren eta hausnarketaren lekukoa hartu dute parte-hartzaileek.


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak