Europako zenbait aditu Markina-Xemeinen elkartu dira Biopolimeroen inguruan aritzeko

Atzo astelehena otsailak 18, materiale polimerikoen sektoreko profesionalentzako “gosari teknologikoa” burutu zen, Markina-Xemeingo Berrikuntza Gunean. Leartiker-ek antolatutako jardunaldian, Luc Averous Estrasburgoko unibertsitateko irakasleak, biopolimeroen garapenari buruzko ponentzia eskaini zuen.
Card image cap
2013/02/19

Luc Averous zientzialari frantziar ospetsu honek bere karrera biopolimero-ikerkuntzan, biomaterialetan, plastiko-prozesuetan eta material polimerikoko karakterizazioan oinarritu du.

Ingurumen-inpaktua txikiagotzea helburu

Gaur egun, mundu guztiko zientzialariak, jatorri berriztagarriko materialak eta erraztasun handiagoarekin degradatzen diren polimeroak ikertzen ari dira, lan-lerro desberdinak garatuz. Egunerokotasunean erabiltzen ditugun plastikozko materialak aurrerapen hauei esker biodegradagarri bihurtu ahalko dira, esate baterako: elikagaigintza-produktuetako packaging-a, edarientzako, fruitu eta barazki ontziak, edalontzi, kafe-katiluak edota esneki ontziak, besteak beste.

Halaber, bizi-iraupen luzeagoa duten kontsumo ondareetako biopolimero berriak garatzen ari dira, karbono aztarnak murrizteko: arkatzak, boligrafoak, errotulagailuak, eta material hauetan egindako bulego tresnak gaurko merkatuan badute leku bat, automobilgintzan edo etxetresna elektrikoetako ataletan ere sartzeko asmoarekin, ingurumenarekiko begirune gehiagoko elementuak bihurtzeko.

Leartiker produktuak garatzen eta hauen diseinuan ikerkuntzan aintzindaria izateaz gain, materiale polimerikoetan espezializatutako ikerketa zentroa da. Gaur egun biopolimeroekin lotutako nazioarteko hainbat proiektutan lanean ari da. Zentru honetako giza taldea, goi mailako profesionalek, doktoreek eta ikerlariek osatzen dute, enpresekin zuzenean europa mailako proiektu ezberdinetan lankidetzan dihardutenak.

Irakaskuntza teknikoa