Bihotzaren Munduko eguna ospatu zuen atzo Athlonek Urkulun

"Jarri martxan zure bihotza" lelopean eta Athlon Koop. Elkarteak antolatuta 50 bat lagun Urkuluko urtegiaren inguruetan elkartu ziren atzo arratsaldean. Kirola egiteko helburuarekin, oinez, patinetan eta bizikletan abiatu ziren urtegi ingurura, giro ederra aprobetxatuz.
Card image cap
haur jaioberriak, gazteak eta kirola egiteko ohitura duten pertsona dezente elkartu ziren Athlonen deialdiarekin bat eginez.
2012/09/28

Otalora Jauregiko aparkalekuan izan zen hitzordua, arratsaldeko bostak eta erdietan, eta aukeratutako leloa, zuzena bezain argia:  jarri martxan zure bihotza. Deialdia irekia izan bazen ere, batez ere, Athlon koop. Elkarteko lagunak eta lankideak batu ziren Urkuluko urtegiaren inguruetan. Aurtengoa lehenengo edizioa izan da, baina etorkizunean ekimenarekin jarraitzeko asmoa badute Athlonekoek, "ea jendea animatzen den eta kirola praktikatzeko ohitura hedatzen dugun".

Askotariko modalitateak

Atzokoan, oinezkoak, txirrindulariak eta patin zaleak batu ziren Urkulun, bakoitza bere erritmora, urtegiaren inguruetara gerturatzeko. Ura eta 'sagar' osasuntsua Athlonek jarri zituen guztion eskura eta, gainerakoa, kirol zaleek jarri zuten. Aipatzekoa da parte-hartzaileen artean haur jaioberriak ere bazirela, "kirola egitea txiki txikitatik ona da-eta".

Hurrengo urtean eta Bihotzaren Munduko egunaren harira berriro egingo da ekimenen bat, jakitear dago ordea, Urkulun batzeko deia izango den edo ibarreko beste tokiren batean elkartuko diren kirol zaleak.