2017-08-18T10:41:32+02:00

Tresna pertsonalak

TUlankide MONDRAGON

Mondragon Unibertsitateko Gastronomia Zientzien Fakultateko bost ikasle Oiangu Jatetxea kudeatzen hasi dira Ordizian

2015/06/03

Lau urteko ikasketen ondoren, Mondragon Unibertsitateko lehenengo promozioko Gastronomia Zientzietako bost ikaslek (Basque Culinary Center), Gradu Amaierako proiektu bezala, Ordiziako Oiangu Jatetxea kudeatuko dute. Hiru euskaldun, kataluniar bat eta galiziar bat elkartu dira, eta euren erronka ez da edonolakoa: lau urtetan ikasitakoa arlo guztietara aplikatzea, eta Gradu Amaierako proiektua bizi proiektu bilakatzea.

MUtelebistak eman digu bost gazte ekintzailek abian jarritako proiektuaren berri, gaur argitaratutako erreportajean. Hiru euskaldunen, kataluniar baten eta galiziar baten abentura ekin ei da Ordiziako Oiangu Jatetxean. Gradu Amaierako Proiektua egingo dute ikasketa amaierako bosgarren urtean. Bost gazte hauek 12 hilabeteko epealdian, ordea, ez dute Gradu Amaierako Proiektua bakarrik egingo, bizitza proiektu bati ekingo diote.

fotograma2(6)

BCCko zuzendari Joxe Mari Aizega, Ordiziako alkate Igor Eguren eta bost ikasleak, jatetxearen aurkezpenean.

Ikasturte hasieratik, sei hilabete inguru dekorazio proiektuaz, sukaldeaz, jatetxearen muntaiaz, material eskuratzeaz... arduratu dira, eta orain bi aste ireki zituen ateak Oiangu Jatetxeak, izen bera duen Ordiziako ingurune zoragarrian.

Ordiziako Udalaren eta BCCren arteko akordioari esker

Eguneko menuak ematen dituzte asteartetik ostiralera, 13 eurotan, eta asteburuan kartan jateko aukera eskaintzen dute, 20-30 euroren truke. "Askotariko aukerak eskaintzen ditugu eta lekua ere aproposa da taldean etortzeko, familian seme alabekin edo eta lagunekin edozein ospakizun egiteko". Ordiziako Udalak Oianguko parkearentzat etorkizun bat nahi zuen, "ingurua berpiztea", eta BCCrekin lan hitzarmen bat sinatu zuten, eta horrela etorri zitzaien aukera.

Ordiziako Udala Oianguko parkea "berpiztu" nahian

Sukaldeko berezitasunak

Olagarro risotoa eta gazta tarta ei dira berezitasunak eta orain arteko harreraz ez dira kexu: "Sekulako harrera beroa izan dugu, jende asko gerturatu da eta orain arte egindakoarekin oso pozik gaude", espero dugu datozen hamaika hilabeteak, gutxienez, horren positiboak izatea.


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak