2017-12-18T10:05:45+01:00

Tresna pertsonalak

TUlankide MONDRAGON

Ate irekiak Goimek kooperatiban

2017/11/07

Goimek, Danobatgroupen dagoen doitasunezko mekanizazioan eta mekanizazio handietan espezializatutako kooperatibak, ate irekien eguna ospatu zuen larunbatean, kooperatibako langileen eta taldekoen arteko harremanak sendotzeko.
Ate irekiak Goimek kooperatiban

90 pertsona baino gehiagok parte hartu zuten ekitaldian. Sektore aeroespazialean eta energiaren sektorean balio erantsi handiko piezen mekanizazioan espezializatuta dagoen kooperatibak, Itziarren eta Mallabian dituen instalazioen ateak ireki zituen langileentzat eta langileen senide eta lagunentzat.

Itziarren eta Mallabian dituen instalazioen ateak ireki zituen langileentzat eta langileen senide eta lagunentzat

Kooperatibak garatzen duen jarduera hobeto ezagutzeko aukera eduki zuten bisitariek, baita kooperatibak erabiltzen dituen ekipamenduak, teknologiarik aurreratuena dutenak, eta doitasun eta produktibitate handiko makinak eta azken belaunaldiko egiaztapen sistemak ere. Itziarko industrialdean dagoen instalazioan, pieza handiak bakarka eta modu seriatuan mekanizatzen dituzte eta Mallabian material zorrotzetan geometria konplexuak artezten eta mekanizatzen dira.

Ekitaldian parte hartu zutenek, halaber, kooperatiban sartu diren azken ekipamenduak ezagutu ahal izan zituzten: SORALUCE FS-16000 ekipamendua, azken belaunaldiko funtzio askoko zentroa.

Makina horrekin GOIMEKek goreneko estandarrak lortzen ditu neurri handiko eta konplexutasun tekniko handiko piezen mekanizazioan, askotariko geometriak mekanizatzen uzten diolako eskakizun zorrotzak dituzten sektoreetarako piezak fabrikatzean.

Makinak 16.000 mm-ko ibilbidea egiten du luzetara, 3.600 mm-koa bertikalean eta 1.500 mm-koa zeharka, eta ibilbide horiekin makinak bi lan estazio ditu SORALUCEk diseinatutako eta fabrikatutako bi mahairekin, eta horiekin hainbat prozesu egin ditzake, hala nola torneaketa, fresaketa, mandrinaketa, zulaketa eta hariztaketa.

Pasa den larunbateko eguna amaitzeko, kooperatibak ezaugarri horiekin egindako lehena izan baita, luntx bat egin zen.


Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak