2017-08-22T22:34:35+02:00

Tresna pertsonalak

TUlankide MONDRAGON

Arizmendiarrietaren Lagunak elkarteak Batzar Orokorra egin du Garaian

2011/05/11

Maiatzaren 5ean egin zuen Arizmendiarrietaren Lagunak elkarteak ohiko Batzar Orokorra Garaia berrikuntza gunean, Arrasaten.
Arizmendiarrietaren Lagunak elkarteak Batzar Orokorra egin du Garaian

2007an sortutako elkarteak dagoeneko 300 bazkide baino gehiago ditu, pertsona fisiko zein juridikoak aintzat hartuta, eta Batzar Orokorrera ordezkaritza zabala gerturatu zen. Besteak beste, formazio eta sentsibilizazio programak onartu zituzten. Hain justu ere, elkarteak balio kooperatiboen sentsibilizazioa sustatu nahi du gazteengan: partehartzea, ardura, elkartasuna eta konpromisoa bultzatu nahi ditu.

Ikastetxeetan aurkeztu da

Era berean, Elkartea ezagutzera emateko ahaleginetan dabil eta horren haritik 19 ikastetxe eta negozio eskolatan aurkeztu da. Gainera, era aktiboan ari da kolaboratzen zenbait Gobernuz Kanpoko Erakunderekin eta ekonomia sozialeko talderekin.

Batzar Orokorraren ondoren, Deustuko Unibertsitateko soziologia irakasle den Paco Garmendiak hitzaldia eskaini zuen balore kooperatiboen gainekoa. ‘Egungo eztabaida soziala eta balio kooperatiboak’ izenburupean balio kooperatiboek egungo gizarten duten eraginaz jardun zuen. Honen guztiaren gainean luze eta zabal jardungo da TUlankide aldizkaria, izan ere, Jose Mari Larramendi presidentearen eta Paco Garmendia soziologoaren elkarrizketak irakurri ahal izango dira.


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak