2017-10-18T13:09:40+02:00

Tresna pertsonalak

TUlankide MONDRAGON

Arizmendi Ikastolakoak Europako Gazte Parlamentuko bigarren faserako sailkatu dira

2013/03/08

Irati Lopez, Iker Bengoetxea eta Leire Carreras sailkatu dira otsailaren 23an Bilbon egin zen lehen kanporaketan. Zazpi ikastetxetatik Arizmendi Ikastolako Gaztelupe taldeak irabazi du EAE mailan; IES Fene eta Lauaxeta Ikastola ere sailkatu dira. Arizmendiko hiru ikasleek (16-17 urte bitartekoak) esperientzia ona izan dutela azaldu digute.
Arizmendi Ikastolakoak Europako Gazte Parlamentuko bigarren faserako sailkatu dira

Europako Gazte Parlamentua Alemaniako Schwarzkopf fundazioak 2004.urtetik zuzentzen duen egitasmoa da. Programak, kultura-arteko eztabaida, ideia eta praktika aniztasuna eta Europa mailako jakintza orokorra hartzen ditu hizpide. Hala, epai-mahaiak ikasleen hizkuntzaren erabilera, parte-hartzea, ezagutza orokorra eta diziplina baloratzen ditu. Hautaketa prozesu honen helburuak,  gazteen artean Europako kontzientzia garatzea, komunitateko partaide izatea eta eztabaidaren bitartez pertsonaren aktibotasuna sustatzea dira. Europa mailako erabakien gainean gazteen borondatezko partaidetza bilatzen da. Hori horrela izanik, ikasleei prozesu garden bat eskaintzen zaie, hezkuntzarako onugarria den ikasketara bideratuz.

Arizmendi Ikastolako ikasleak Europako Parlamentuko lehiaketan.

Ikasleen esperientzia

Lehenengo bi faseak (erregionala eta estatukoa) urtean behin antolatzen dira. Arizmendi Ikastolak bultzatuta, iaz egin zen lehenengoz Euskal Herrian, MUko Goi Eskola Politeknikoan, Arrasaten. Aurten, berriz, Gaztelupe taldea sei ikaslek osatu dute, baina hiru izango dira Espainia mailako kanporaketara joango direnak. “Taldeko kide guztien ahaleginagatik pasatu gara hurrengo fasera”, nabarmendu digu Iker Bengoetxeak.
Arizmendi Ikastolako ikasleek adierazi digute jende ezberdinaren iritziak entzutea beti dela aberasgarria. Hala, norberak gizartearekiko edo bere inguruarekiko duen kritika garatzen laguntzen duela azpimarratu du Irati Lopezek. Beste hainbat konpetentzien artean, ingelesez komunikatzeko eta eztabaidatzeko gaitasuna landu dute. Proiektuaren arduraduna den Xabier Latorre irakaslearen esanetan, “gaurkotasuneko gai sozialak lantzea interesgarria izan da gazteentzat”. Hurrengo fasean ere, ondo pasa eta asko ikasiko duten itxaropena du Leire Carrerasek. Espainiako kanporaketa Bilbon bertan izango da apirilaren 25 eta 28 bitartean.


Bideoak


+ Bideo gehiago

Papereko edizioa
Jarraitu twitterren
LagunAro

Bazkideentzat promozioak

fagor-promo

Iradokizunak

iradokizunak