2017-12-18T02:26:09+01:00

Tresna pertsonalak

TUlankide MONDRAGON

Arizmendi Ikastolak antolatutako udalekuetan 585 ikasle ari dira parte-hartzen

2015/07/07

Aurreko astean abiatu ziren Acedora eta Zurizara Arizmendi Ikastolako ikasleak. Acedora Lehen Hezkuntzako 4. mailakoak joan ziren eta Zurizara, DBHkoak. Bigarren txanda da honako hau, txikienak asteartean abiatu baitziren Garesera. Oraindik ateratzekoak dira Otsagikoak eta baita Acedo zein Zurizako bigarren txandakoak ere; horiek datorren astean abiatuko dira. Azkenak uztailaren 16an itzuliko dira.

 

 

Udalekuetara bidean

 

Aurten 585 haur eta gazte

Aurten ikastolako udalekuetan 585 ikasle izango dira, eta horiez gain beste hainbatek ere parte hartuko dute, izan ere, monitoreak batxilergoko ikasleak dira, monitore eskolakoak, eta hainbat ikasle ohi ere bai. Ikasle txiki eta gazteen gidaritza eta zaintza lanetan ia ehun gazte izango dira. Adinaren araberako udalekuak egiten ditu Arizmendi Ikastolak eta bakoitzaren berezitasunaren araberako ekintza eta jarduerak antolatzen ditu. Oro har, goizak euskararekin eta kulturarekin lotutako ekintzak burutzen ematen dituzte eta arratsaldeak, kirola, aisialdi eta ur-jardueretan.

Bertan ere udalekuak, udaleku irekiak

Hil honetan, bestetik, Haur Hezkuntzakoentzako udaleku irekiak antolatu ohi ditu azken urteotan ikastolak. Aurten, Basabeazpi, Jose Arana, Umezaintza eta Uribarriko guneetan 6tik 10era izango dira, eta 250 ikasle inguruk eman dute izena.


Bideoak


+ Bideo gehiago

Papereko edizioa
Jarraitu twitterren
LagunAro

Iradokizunak

iradokizunak