Erreleboa, irailean

Gaurkoan aurkezpen ofiziala egin bada ere, Iñaki Etxezarretak irailaren 1ean hartuko du kargua. Tartean, gaur arte zuzendaritzan daudenek egingo dute aurrera eta "erreleboa ahalik eta ordenatuena izango da" adierazi dute bertaratutakoek. "Ziklo berri bati ekingo diogu, erronka berriekin, baina orain arteko lanean oinarrituta", esan du lehendakariak.

Ildo estrategikoen harira, etorkizunera begira lau aipatu ditu Mujikak: "Identitatea oso garrantzitsua da. Ikastola eta kooperatiba integrala gara, gizarte ekimenetik datorrena eta arlo horretan sakontzen jarraitu behar dugu. Eraldaketa pedagokikoa ere oso inportantea izango da, dagoeneko abian dena eta sendotu beharko duguna. Kudeaketa ere inportantea izango da, pertsona, eraikin, zerbitzu, hezkuntza integralaren... kudeaketa hain zuzen ere". Ildo estrategikoen artean, hezkuntza proiektu integrala ere aipatu du presidenteak.

Txaro Iraeta, hamar urteko ibilbidea

2003an iritsi zen Txaro Iraeta Arizmendi Ikastolaren zuzendaritzara, eta ordutik proiektuaren buru izan da, zuzendaritza taldearen liderra. Gaurko ekitaldian, hamar urteko ibilbidean izandako mugarriak aipatu ditu, eta gustura agertu da egindako lanarekin. "Gaur, Arizmendi Ikastola kooperatibak bere identitatea definituta dauka eta bere horretan urratsak ematen ari da. Ikastola eta kooperatiba izaeran bere ardatzak izango zituen erakundea eraikitzea izan da gure lehentasuna eta hori lortu dugula esan dezakegu. Askoren laguntzaz hezkuntza proiektu berritzailea eraiki dugu, eraldatzailea, oraindik asko egitea eskatzen duena, bukagabea dena definizioz", adierazi du kudeatzaile orokorrak.

Bidea zaila izan dela gaineratu du, "gure kooperatiba handia da. Asko gara eta, hori horrela, ez da samurra danok ados egotea. Hain zuzen, badago Arizmendi Ikastolak hartutako bidearekin ados ez dagoen kolektiboaren zati bat. Horrek ez du bidea erraztu, zaildu baizik eta, gutxiengoa bada ere, entengabe kontran jokatzeko moduak eragin zuen duela hilabete batzuk zuzendaritza uzteko hartu genuen erabakian".

Iñaki Etxezarreta, etorkizunaz

Bukatzeko, Iñaki Etxezarreta etorkizunaz aritu da. Honako hau da, osotasunean, Iñakik gaurko ekitaldian esandakoa: "Prentsaurreko honetan zaudeten kazetari eta gainerako partaideontzat oso ezagunak zaizkizue Txaro Iraeta eta Andoni Mujika, Arizmendi ikastolaren kudeatzaile orokorra eta lehendakaria hurrenez hurren. Ni, ordea, nahikoa, erabat ez esateagatik, ezezagun natzaizue. J. Iñaki Etxezarreta naiz, datorren ikasturtean Txaroren erreleboa hartuko duena, aurtengo irailaren 1etik aurrerantzean, hain zuzen ere. Seguru asko, honez gero zenbait datu jasota izango dituzu eta jakin badakizue ikastolen mugimenduan nire ibilbide profesionala egin dudala. Beraz, ez zait arrotza egiten ikastola baten kudeaketa orokorrean aritzea. Baina, Arizmendi ez da nolanahiko ikastola.

Batetik, Euskal Herriko ikastolarik handiena da, zenbakiek halaxe adierazten dutelako: ikasle gehien duena, 3.000 inguru; profesional gehien batzen dituena, 300 inguru; eta aurrekonturik handiena baliatzen duena, 16 milioi euro inguru; hiru udalerritan  eta hamabi eraikinetan hedatua ...

Bestetik, elementu kuantitatiboak alde batera utzita, ikastola eredutik gehien hurbil den proiektua da Arizmendirena: ikastolek, oro har, dituzten ezaugarri komunak dituelako; ikastola bakoitzak izan behar duen tokien tokiko izaera propioa oso landua duelako; hezkuntza euskaldunaren aitzindaritza eta hezkuntza demokratikoaren izaera kooperatiboa bateratu egin dituelako; ikerketa eta berrikuntza bere garabidearen idi bihurtu dituelako; ikaslea, hezkuntza-prozesuaren eragile nagusia, haren gurasoekin eta profesionalekin joan-etorri etengabean ipini duelako; ikastolaren zerbitzuak, orotarikoak eta anitzak, hezkuntza-proiektuaren baitan ezarri dituelako; azken finean, Arizmendi ikastolak identitate propio baten oinarriak jarri eta horien gainean etorkizuna eraikitzen jarraitu nahi duelako.

Hori guztia, hori besterik ez, egin da azken dozena urteotan zehar, bailarako sei ikastola haiek beren indarrak batu eta Arizmendi ikastola sortu zutenetik. Ez da lan makala. Eta horren meritua, kolektibo osoarena, urte horietan ikastolan aritu diren guztiena eta esku hartu duen gizarte osoarena bada ere, Txaro Iraeta zuzendariarena eta bere ekipoarena parte handi baten dugu. Hitz hauek ez dira, ez horixe, debaldekoak. Metatuta dudan esperientziatik diot, Arizmendiren aurreko egoera eta segidako bilakaera ondo ezagutu ditudalako adierazi dezaket. Ikastola baten lanak ez dira behin ere amaitzen, Euskal Herriaren hezkuntza propioa gorengo gradura heldu artean. Hartara, Arizmendik badu zeregina bailara honetan diharduen gizarteak exijitzen dion norabidean eta haren zerbitzuan. Baina, hori, niri dagokidanez, Txarok eta bere ekipoak egindakoaren gainean izan beharko da, Arizmendi ikastola osoaren eta bailarako gizarte- eta herri-eragileen lankidetza eta kooperazioarekin. Eta nola ez, honetan guztian funtsezko rola jokatzen duzuen hedabideon laguntzarekin. Hala bedi".

Mondragon Unibertsitateko Humanitate eta Hezkuntza Zientzien Fakultateak (HUHEZI) Aretxabaletako Campus berria inauguratu du gaur ofizialki. Iazko irailaz geroztik, Ikus-entzunezko Komunikazioko Gradua eta zenbait graduondoko hartzen ditu. Ehun bat lagun elkartu dira inaugurazio-ekitaldian. Besteak beste, Cristina Uriarte Eusko Jaurlaritzako Hezkuntza, Hizkuntza Politika eta Kultura sailburua, Iosu Zabala Mondragon Unibertsitateko errektorea, Nekane Arratibel Mondragon Unibertsitateko Humanitate eta Hezkuntza Zientzien Fakultateko dekanoa, Martin Garitano Gipuzkoako ahaldun nagusia eta Iñigo Louvelli Aretxabaletako Udaleko Hezkuntza zinegotzia, herriko alkatearen izenean, izan dira bertan.

Maider Juaristik aurkeztu du ekitaldia. Maider hirugarren mailako ikaslea da.

Agintarien hitzaldien ostean, bertaratuek bisitaldia egin dute campuseko instalazioetara.

Mondragon Unibertsitateak Aretxabaletako Udalaren laguntza izan du azken bi urteotan landutako proiektua aurtengo ikasturtean abiarazteko. Proiektu horren eragileak bi izan dira: alde batetik, Humanitate eta Hezkuntza Zientzien Fakultateak azken urteotan Irakasle Eskolako titulazioetan izan duen ikasle kopuruaren hazkundeari erantzuna ematea; eta bestetik, etengabe hazten ari den Ikus-entzunezko Komunikazioaren alorrari egokitutako punta-puntako campus berria eraikitzea.

Josu Urrutia (Mundukide erakundeko zuzendaria), Iñaki Uria eta Martxelo Otamendi (Berriako zuzendaria) gaurko ekitaldian.

Ikasturte honetatik aurrera,  Mondragon Unibertsitateko Humanitate eta Hezkuntza Zientzien Fakultateak bi campus izango ditu: Aretxabaletako berria eta Eskoriatzakoa. Aretxabaletako Campusak Ikus-entzunezko Komunikazioko titulazioa hartuko du, espezialitate horretarako berariaz egokitutako instalazioetan. Eskoriatzako Campusak, berriz, Haur Hezkuntzako eta Lehen Hezkuntzako graduak ematen jarraituko du. Orain arte, Ikus-entzunezko Komunikazioa ere Eskoriatzako Campusean ematen zen. Gainera, campusak gradu-ondoko ikastaro batzuk hartuko ditu, hala nola Euskal Kulturaren Transmisioan aditua edo Erakundeko Komunikazioari buruz datorren urrian hasiko dena.

Javier Sotil (MONDRAGON), Martin Garitano (Gipuzkoako Foru Aldundia), Cristina Uriarte (Eusko Jaurlaritza) eta Iosu Zabala (MU) gaurko ekitaldian.

Campus berria egokitzeko lanek bi urte iraun dute, industria-ondaretzat hartutako eraikin bat goitik behera zaharberritzeko. Eraikina San Miguel Bedarreta auzoan, Tubos izeneko eremuan kokatuta dago, eta egokitzapen-lanek Aretxabaletako Udalaren laguntza izan dute. MUk 5 milioi euro inbertitu ditu obra hauetan. Eraikina industria-ondarea izateak zeharo baldintzatu ditu lanak: zurezko egiturari eutsi behar izan zaio eta elementu berriekin integratu da. Horren emaitza eraikin moderno eta funtzionala da.

Erakina eta instalazioak

Eraikinak hiru solairu eta 2.700 metro koadro erabilgarri ditu.  Campus berriak Ikus-entzunezko Komunikazio Graduko 135 ikasle hartuko ditu, lau mailatan banaturik: lehen mailako 42 ikasle, bigarreneko 32, hirugarreneko 34 eta laugarreneko 27.   Euskal Kulturaren Transmisioan aditu-ikastaroak, berriz, 20 ikasle ditu. Gerora begira, campus berriko ikasgeletan gradu-ondo gehiago ematea aurreikusita dago.

Martin Garitano eta Iñigo Louvelli (Aretxabaletako Udaleko zinegotzia).

Eraikina

Eraikinari dagokionez, beheko solairuan honako atal hauek daude: atondoa eta ikasleentzako zerbitzu orokorrak; areto nagusia, hainbat ekitaldi eta talde-lanetarako erabiltzen dena; platoa, paisaiak irudikatzen dituen croma sistemaz jantzita dagoena, eta hainbat eginkizunetarako balio duena, hala nola Aktore Zuzendaritzarako. Eta, azkenik, wifiz hornitutako ikasketa-gela handi bat dago solairu horretan.

Lehen solairuan, 40 ordenagailuz hornitutako “infogela” handi bat, ikasgela handi bat, tamaina ertaineko beste hiru ikasgela eta hiru ikasgela txiki egokitu dira.

Bigarren eta azken solairuan, komunikazio-berrikuntzako laborategia, irakasle-gela, irrati-estudioa, multimedia-tailerra, animazio-gela eta zortzi edizio-gela daude.

Titulazioa eta lanbide-irteerak

Gradu horren helburu nagusia komunikazioaren eta informazioaren arloko balio anitzeko profesionalak trebatzea da, edozein komunikazio-arlotan lan egiteko gai izanago direnak, batez ere ikus-entzunezko eta multimedia-arloetan, eta inguruko beharrei erantzuteko gauza izango direnak. Profesional kritikoak, konprometituak eta arduratsuak sortzea du helburu. Gradua honako ardatz hauen inguruan egituratzen da: sormena, ekimena, ekintzailetza, diziplina, gaitasun teknikoak, hainbat hizkuntzatan komunikatzeko gaitasuna (euskara ardatz nagusia izanik) eta ikasleak ikuspegi globala izatea. Ikasketak proiektutan daude banatuta eta ikasleek, gutxienez, proiektu bat landu behar dute lauhileko bakoitzean.

Hala, lehen ikasturtean, aldizkari bat eta proiektu digital bat jarriko dituzte abian; bigarrenean, hainbat plataformatarako informazio-saio bat egin behar dute, ondoren publizitate kanpaina bat diseinatu eta, gero, spota gauzatu; hirugarren ikasturtean, dokumental bat eta irrati-saio bat grabatuko dituzte ikasle guztien artean; eta azken ikasturtean, metraje laburreko film bat filmatu eta telebista-programa bat prestatuko dute platoan. Horrez gain, ikasle guztiek praktikak egin behar dituzte komunikazioari lotutako enpresa batean, eta azken ikasturtean, karrera-bukaerako proiektua landu eta defendatu.

Gradua amaitutakoan, ikasten jarraitu, lan-merkatura irten edo beren enpresa sortzea aukera dezakete. Ikus-entzunezko Komunikazioko graduatuaren profilak hainbat diziplina hartzen ditu barne: ikus-entzunezko ekoizlea eta kudeatzailea; telebistako aurkezlea  edo irratiko esataria; Interneteko edukien erredaktorea, edukien diseinatzaile grafikoa eta kudeatzailea; ikus-entzunezko zuzendaria, gidoilaria eta errealizadorea; ikus-entzunezko produkzioa eta postprodukzioa (irudia, soinua, grafismoa…),  eta ikus-entzunezko gaietan ikertzailea, irakaslea eta aditua.

Aliantzak

Goiena komunikabideetako multimedia-taldea Aretxabaletako Campusera bideratutako proiektu batean ari da lanean.  Goiena enpresa aitzindaria da Debagoienean eta Euskadin euskarazko tokiko telebistak bultzatzen eta ikus-entzunezko komunikazioaren inguruko azken teknologiak erabiltzen. Hori dela eta, Goienak eta Mondragon Unibertsitateak sinergiak sortu dituzte enpresaren eta unibertsitatearen artean, kooperatibismoa bultzatzen duten eta euskara hizkuntza nagusi duten bi erakundeek ikasleei ikasketa praktikoagoak eskaintzeko.

Bi erakundeok duela hiru urte hasi ziren elkarren arteko lankidetza prestatzen, eta, gerora begira, proiektu bateratuak jarri ahal izango dituzte abian. Hala, biek ala biek elkarguneak partekatuko dituzte, komunikazioari lotutako jarduerak ipiniko dituzte martxan multimedia-kazetariaren ikuspegitik, berrikuntza-proiektuak gauzatuko dituzte eta ikasleek Goienako komunikabideetan egin ahal izango dituzte praktikak: telebistan, prentsa idatzian eta Interneten.

Argazki gehiago: http://www.flickr.com/photos/tulankide/

Diploma-banaketa pasa den maiatzaren 17an egin zen,  Enpresagintza Fakultatearen Oñatiko campuseko Areto Nagusian.

Ekitaldia, Enpresagintza Fakultateko dekano Lander Belokik ireki zuen eta Mondragon Unibertsitateko errektoreak, Iosu Zabalak itxi.

Ekitaldi akademikoan, bertaratuek ‘Tierra’ hitzaldian hartu ahal izan zuten. Mondragon Unibertsitateko Enpresagintza Fakultateko coachingaren eta lidergoaren areako arduradun Juan Felix Garciak eskaini zuen.

Datorren ekainaren 6an, osteguna, ospatuko da Garaia Berrikuntza Guneko 11 eraikinean, arratsaldeko 3etatik 7etara.

Hiru gune bereiztuko dira. Alde batetik aukera egongo da lan poltsetan izena emateko: MUko enplegu eta orientazio zerbitzuan, MUko lan poltsan eta Novia Salcedo Fundazioan.

Horretaz gain, enpresa gunea bereiztuko da eta bertan hainbat enpresen stand-etan curriculumak jasoko dira, egungo lan merkatuari buruzko informazioa eskainiz. Honako enpresa hauek hartuko dute parte: Orona, Caja Laboral, IK4, Danobat, Fagor Arrasate, Irizar, Arizmendi ikastola, San Viator Ikastola, Hekimen elkartea, CAF, EITB, Cikautxo, Decathlon, Olabide ikastola, Batz, LKS, Ingeteam eta abar.

Eta hirugarren gunea formazio gunea izango da. Mondragon Unibertsitateak duen eskaintza azaltzeko esparrua izango da: unibertsitate masterrak, profesionalentzako graduondoak, heziketa zikloak, eta abar.

Osasunaren arloko gailu mugikorrentzako aplikazioak

Oinarri teknologikoa duen enpresa da SaludNova, pertsonen ongizatea ahalbidetzeko eta mantentzeko helburua duena. Informazio eta Komunikazio Teknologia Berrien inguruko ikerkuntza oinarri hartuta, pertsonen bizi-kalitatea eta segurtasuna garatzeko eta irtenbide berritzaileak merkaturatzeko ideiarekin sortu zen.

Dublinen ospatutako eHealth Week-ean, Juan Santaellak, SaludNova-ko zuzendari orokorrak, adierazi duenez, aplikazio hauek pertsonaren eta medikuaren arteko harremana ahalbidetzen dute, zerbitzuaren datu-base baten edo Osasun Zentroaren bitartez, honek medikuari pazientearen beharrak helarazten dizkiolarik. “Paziente kronikoen Bizi-konstanteak monitorizatzen ditugu, etxean eta modu pertsonalizatu batean. Gainera, Osasun Zentroak edota espezialista konkretuek, pazienteak bidalitako abisuari edo alarmari irtenbidea emateko duten erabilgarritasuna zein den jakingo dugu”.

Duela lau urte sortu zen SaludNova, eta akzionista nagusiena du MONDRAGON Korporazioa. Osakidetzako bost ospitaletan dago integratua, baita Bilboko eskualdeetako Lehen Mailako Arreta alorrean ere. Gainera, proiektu-pilotu bat martxan du Madrilgo Erkidegoko Getafeko Ospitalean, baita diabetes mellitus duten pazienteekin Sanitas entitate pribatuan ere.

Iturria:

http://www.redaccionmedica.com/noticia/las-e-health-made-in-spain-ganan-enteros-en-europa-8361

Arizmendiren parte-hartzea

Arizmendi Ikastolak bultzatuta iaz egin zen lehenengoz MUko Goi Eskola Politeknikoan, Arrasaten. Elena Errasti Bigarren Hezkuntzako kudeatzaileak parte-hartzearen prozesua azaldu digu: “Ikasleek eskatuta ingeles irakaslea jarri zen harremanetan EYPrekin eta EAE mailan egitea posible zela adierazi zioten, baldin eta hainbat ikastetxek parte hartzen bazuten”. Aurten, Arizmendi Ikastola izan da Europa mailara sailkatu den ikastetxea, orain arteko bakarra.

Ikasleek ibilbidean izandako esperientzia

Ikasleek izandako esperientzia azaldu digute. Horretarako, Irati Lopez, Iker Bengoetxea eta Leire Carrerasekin egon gara, eta baita June Anduaga Batxilergoko irakaslearekin eta Bigarren Hezkuntzako kudeatzailea den Elena Errastirekin ere.

Gazteen ahotik

Iker Bengoetxea: “Lantzen ditugun gaiak ez dira urrutikoak, agian hemendik bi urtera horietako arazo batekin topatuko naiz”.

Irati Lopez: “Gaiak orokorrak dira baina gazteei bideratuta daude: adibidez, langabeziari buruz hausnartu behar bada, langabezia gazteen ikuspuntutik lantzen da”.

Leire Carreras: “Landu beharreko gaiaren testuinguruan sartzen zaituzte (antzerkiak, jokoak...) eta giro jakin bat sortzen da, proiektuak duen puntu erakargarrienetako bat da hori”.

Talde lanaren ahalegina

Irati Lopez: “Arazoak ez dira batenak ala bestearenak, arazoak guztionak dira eta horregatik du taldean aritzeak sekulako garrantzia”.

Leire Carreras: “Batzuetan sinestezinak dira batzuen iritziak eta horrelakoetan burua kontrolatzen jakin behar da”.

Iker Bengoetxea: “Bizimodu eta hezkuntza oso ezberdineko pertsonek osatzen dugu taldea eta denok ados egoteko modu bat aurkitu behar da, eta hori uste baino zailagoa da gaur egun”.

Lortutako konpetentziak

Irati Lopez: “Besteen iritziak entzutea garrantzitsua da, zure iritzia indartu egiten du”.

June Anduaga: “Europako gaiak aztertzeaz gain, beste balore asko ikasten dituzte eta komunikatzeko konpetentziak barneratze dituzte; pertsonekin kooperatu, errespetuaz argudioak kontrajarri, hizkuntzak ezagutu…”

Elena Errasti “Ikastolaren ikuspuntutik gaur egun konpetentzia askok eguneroko bizimoduan eragiten dute eta hezkuntzarako onuragarri diren diziplina horiek ikasi dituzte”.

Bi enpresa hauek azken urteetan elkarrekin kolaboratzen ari ziren begi bistakoa zelako bai bezero eta bai produktuetan zuten sinergia, batez ere automobil sektorean bezero garrantzitsu hauekin: Volkswagen, Ford, Audi, General Motors, Gestamp, Benteler, Ogihara, PSA, Volvo...

Konpainiako bozeramale batek esan zuen “Automobil sektoreko gure bezeroentzat partner global bat ari gara sortzen, irtenbide integral eta osoak emateko gai izango dena, edozein alorretan ekipoak inplantatu ditzakeena; piezek behar duten edozein materialentzat, bai metal edo composite-zkoak izan; edozein teknologiarekin, mekanikoa zein hidraulikoa; produktuen portafolio integratua eta berezkoa duena; kalitatean, produktibitatean, sendotasun enpresarialean, teknologian eta martxan jartzeko azkartasunean abantaila ukaezinak dituena".

Akordioaren legezko figura xurgatze bidezko bat-egitea da, bi enpresetako zuzendaritzek aho batez onartua eta bietako Batzar Nagusiek gehiengoz berretsia.

Bi konpainiek dagoeneko kultura enpresarial eta baloreen kultura berdinak dituzte eta sinergia handia espero da produktibitatean, bezeroenganako zerbitzuan, garapen teknologikoan eta lehiakortasunean.

“Bat-egite hau mugimendu estrategikoa da eta gure bezeroei balio erantsia ematen die. Ziur gaude elkarketa honek gure abantaila konpetitiboa oraindik gehiago handituko duela bai salmentetan, teknolgian, B+Gean eta zerbitzuan, bezero eta hornitzaileekin gure harreman estuak hobetuz. Eskaintza osagarriak katalogo bakarrean bat-egitean, automobileko sektoreari irtenbideen eskaitza aurreratuagoa eta osoagoa egin diezaiokegu.

Gure bezeroekin izandako elkarrizketetan oso ongi baloratu dute bat-egite hau”- esan zuen Fagor Arrasateko zuzendaritzako kide batek. Beraz, Zamundioko lantegia, Fagor Arrasateko Teknologia Hidraulikoaren Zentru Nagusia bilakatu da.

Berregituratze eta Enplegu Sozietariorako Fondoa (BESF), 70 milioi eurokoa, Fagorrek 2013-2016 aldirako diseinatu duen Plan Estrategikoan ezarritako berregituratze prozesurako erabiliko da; izan ere, plan horretan konpainia errealitate berrira egokitu beharra planteatzen da, etxe sektoreko merkatuaren gainbeherak eta kanpo merkatuetako dinamismo handiagoak markatuta dagoen errealitatera, alegia.

BESF fondoa Fagorrekin lotutako aparteko neurria eta denbora jakin baterako da, eta zuzkidurak bost urteko epean itzultzeko izango den mailegu baten bidez egitea aurreikusten du.

Sektorearen bilakaera

Krisiak modu dramatikoan egin dio eraso etxetresna elektrikoen sektoreari, eta horrek sektoreak azken bost urteetan %56 behera egitea ekarri du. Hau da, 2012an etxetresna elektrikoen merkatuak 2007an fakturatu ziren salmenten erdia baino pixka bat gutxiago fakturatu du. Fagorren kasuan, salmentak %37 gutxitu dira aldi horretan, 600 milioi euro, beste era batera esanda, eta hori gertatu da kontsumoaren gainbeheragatik, kostu txikiko lehiatzaileen sarreragatik (Txinako, Turkiako eta Koreakoak, esaterako), eta salmenta prezioetan izandako murrizketek eta material kostuen igoerek eragindako marjinaren jaitsieragatik.

Zalantzazko egoera horren aurrean, Fagor Etxetresnak bere egitura egokitzen joan da, lana egokitzeko eta egitura gastuak murrizteko neurriak ezarriz, 78 milioi euroko aurrezpena lortuta. Ekimen horiei esker, Konpainiak merkatuko presentziari eutsi ahal izan dio eta linea zuriko merkatuko kuota %16,3raino handitu ere bai, sektoreko bosgarren fabrikatzaile europar gisa finkatzeaz eta berrikuntzaren aldeko apustua egiten jarraitzeaz gain –merkatuko liderra da egosketan–. Halere, krisia hain gogorra da eta suspertzeko aukerak hain urrun daude, egindako egokitzapenak ez dira nahikoa izan, eta beste neurri batzuk planteatzeko beharra dago.

2013-2016 aldirako Plan Estrategikoa

Merkatuen bilakaera ikusita, Fagor Etxetresnak Taldeak bere plan estrategikoa diseinatu du 2013-2016 aldirako. Planak, funtsean, hazteko estrategia planteatzen du, nazioartean aliantzen bitartez bere markak munduan duen presentzia hobetuta eta salmentak ia 200 milioi euro handituta aldiaren bukaerarako. Era berean, negozioaren dimentsionamendu berria planteatzen du, barruko efizientzia eta lehiakortasuna hobetzera bideratuta. Plan estrategiko honen onarpenak kanpoko bitartekoak eskuratzera eta norbere bitartekoak indartzera bideratutako plan finantzarioa onartzea ere dakar berarekin, eta plan finantzario horretan bazkide kooperatibistek, bai Fagorrekoek bai Korporazioko gainontzeko kooperatibakoek, funtsezko zeregina izango dute.

Ikuspuntu horretatik, BESF fondoaren eraketa kooperatiba taldearen identitate ezaugarria den kooperatiben arteko elkartasunaren beste adibide bat da. MONDRAGON Korporazioak, bere kooperatibei laguntzeko dituen funtzioen artean, eta hasieratik egin izan duen moduan, kooperatiba honi laguntzeko beharrezko mekanismoak prestatu ditu. Hortaz, Fagor Etxetresnetako bazkideek beraiek egindako ahaleginak eta taldeko gainerako kooperatibek emandako laguntza ekonomikoa kultura kooperatiboarekin koherenteak dira, eta Esperientzia Kooperatibo osoaren etorkizunarekin dagoen konpromisoa erakusten dute.

Agustin Markaidek Kongresuko presidenteak adierazi duenez “elkartasun adibidea izan da hartutako erabakia” eta esker oneko mezua helarazi die kongresukide guztiei aho batez hartu duten erabakiagatik.

Kongresua MONDRAGON gidatzeko jarraibide edo irizpide nagusiak ezartzen dituen organoa da, hala nola interes komuneko funtsezko gaiei buruzko oinarrizko politiken definizioa. Organo horretan, halaber, kooperatiba berrien sarrera onartzen da, eta Batzorde Iraunkorraren –Kongresu batetik bestera diharduen ordezkaritza instituzionaleko organoa– eta Kontseilu Orokorraren –Korporazioaren zuzendaritza organoa– gestioaren deskargua egiten da.

Ekitaldian zehar, omenaldi berezia egin zaie orain dela 50 urte kooperatibaren sorreran parte hartu zuten 18 lagunei. Beraien izenean, Joseba Azpeitia eta Bixente Arrizabalak monolitoa inauguratu dute.

Batzen historia
Batz Kooperatiba 1963an sortu zuen 18 gaztek osatutako talde batek. Helburua hauxe zen: nekazaritza nagusi zen ingurune batean industri enpregu kooperatiboa sustatzea. Hasierako proiektua automozioaren sektorerako trokelak diseinatu eta fabrikatzea zen. Hasieran izan ohi diren zailtasunak gainditu ondoren, eta 50 urteko ibilbide luzean hainbat krisi gainditu ostean, gaur egun Igorren jarraitzen du (Arratia, Bizkaia) kooperatibaren egoitza zentralak eta 630 pertsona ari dira bertan lanean.

Hona hemen automozioaren alorrean Batzek dituen negozio arloak: trokelgintza eta ingeniaritza zerbitzu elkartuak; automozio sistemak, kontroleko eta segurtasun pasiboko mekanismo ugariren diseinua eta fabrikazioa barne; baita pieza estrukturalen eta konposite teknikoz eginiko osagai aerodinamikoen diseinua eta fabrikazioa ere. Halaber, finaktu egin da kontzentzazio planta termosolarretarako pieza estruktural garatu eta fabrikatzeko jarduera; baita horien muntatze eta mantentze jarudera ere.

Igaro den mendi erdian, hasierako proiektu hura industria talde indartsua bihurtu da, izera glogalekoa, 14 produkzio lantegi dituena Brasilen, Txinan, Mexikon, Txekiar Errepublikan eta Alemanian, besteak beste. 1.430 zuzeneko enplegurekin, 2012. urtean 220 milioi euroko salmentak izan zituen Batzek.

Etorkizuna
Hasierako filosofia eta inguruan enplegua sortzeko konpromisoari eutsiz, Batzek, oraintsu, maila globaleko hainbat kontratu berritu du bere bezero nagusietako batzuekin, hala nola General Motors eta Volkswagenekin, hainbat automozio sistema fabrikatzeko.

Bestalde, Batzek 30 milioi euroko esleipen garrantzitsuak lortu ditu: Jaguar, BMV eta Volvorako estanapzio tresneria fabrikatzeko eta gaur egun oraindik esleitu barik dauden eskari inportanteak ari da gestionatzen.

Hori guztia kontuan hartuta, Batzek etorkizun oparoa du aurrera begira, 2046an 1.600 enpelgu eta 300 milioitik gorako salmentak izatea espero du.

Gure lanaren errekonozimendua da, nolabait bultzada bat gure estrategiari. Gipuzkoako Merkataritza-Ganberak 2013an ondoen dibertsifikatu den PYME gipuzkoarra saritu nahi izan du eta oso inportantea da guretzat.

Dibertsifikazio estrategian ahalegin handia egin duzue.

Halaxe da, bai. Merkatu zein sektoreetan dibertsifikatu dugu zerbitzu eta produktuak. Aretxabaletan bi negozio ditugu, eguzki energiarena eta makina bereziena. Eguzki energiaren arloan xafla fotoboltaikoak egiteko makinak ekoizten ditugu eta munduan saltzen ditugu, batez ere, Indian eta Txinan, baina baita Kazajistanen ere. Gainera, merkatu berrietara egokitzen ari gara eta dagoeneko gerturatu gara Hegoafrikara eta Afrika iparraldera.

Makina berezien negozioan ere ahalegin berezia egiten ari gara eta, noski, gure betiko bezeroak ere zaindu nahi dutugu. Orkli, Copreci, Eika eta Schneider bereziki.

Hirugarren negozio bat ere bultzatu nahian gabiltza Loramendi kooperatibarekin batera. Kiro Robotics proiektuaren bitartez, osasunaren sektorean murgiltzen ari gara.

Zuen Plan Estrategikoarekin ere erabat lerrotuta dago gaurko saria, ezta?

Sariak gure apustua sendotzen du, dudarik gabe. Nazioarteratze estrategiari erantzun nahian lantokiak ditugu Alemanian, Frantzian eta Mexikon. Eta orain Txinan ireki dugu. Hego Amerikara jauzia prestatzen ari gara eta hazkundea etengabekoa da.

Era berean, saria erakusleiho bat ere bada, ezta?

Bai, noski. Gure enpresa bistaratzen du, medioetan gaude eta gure proiektua ezagutzera emateko bide ona da. Oro har oso pozik gaude sariarekin eta honek izan duen ohiartzunarekin.

Espainiak eta beste merkatu europarrek bizi dituzten aurreikuspen ekonomikoek Fagor Etxetresna Elektrikoak bere hazkundea garatzeko bidean diren merkatuetara orientatzera eraman dute, Errusiara, Txinara edota Ekialde Ertainera hedatuz.

Errekuperazio eta hazkunde helburu hau lortzeko, Fagor Etxetresna Elektrikoak-ek 20 milioi euro inbertituko du zenbait proiektutan. Zehazki, Egosketa negozioan, Fagor lider europarra izanik, inbertsioak Orleanseko (Frantzia) eta Arrasateko lantegietako indukzio-plataforma berrietara eta Poloniako sukalde-plataforma berrira bideratuko dira. Inbertsio hauekin batera, batetik, konpainiaren marka nagusiak indartuko dira, Fagor Espainian, De Dietrich nazioarteko merkatuan eta Brandt Frantzian eta, bestetik, etxetresna elektriko ahokagarrien merkatua indartuko da.

Gestio Planean jasotzen dira, halaber, azken produktu-merkaturatzeak eta konpainiaren soluzio energetiko efizienteagoen aldeko apustua. Azken hauen artean, edozein formatako eta tamainatako hainbat ontzi aldi berean erabiltzea ahalbidetzen duen plaketako Horizonetech teknologia eta labeetan kozinatzeko Master Chef funtzio automatikoak ditugu eta baita, garbigailuetako eta ontzi-garbigailuetako ur-, elektrizitate- eta detergente-kontsumoak doituta, uretan eta elektrizitatean, hurrenez hurren, %48 eta %32 aurreztea posible egiten duen Ahorrologic sistema ere.

Etxetresna txikien sektorean ere, Fagor Etxetresna Elektrikoak lidergo posiziotan dago eta, horren adierazgarri, 2013an, beste berrikuntza batzuekin batera, aurkeztuko duen arropako zimurrak kentzeko lurrun-eskuila berritzailea.

Gai-zerrendako beste puntu batzuk

2013ko Gestio Plana 2012ko gestio-txostena eta urte bereko kontuak irakurri eta onartu ondoren onartu da.

Batzar Orokorretan tratatutako puntuetako beste bat Kontseilu Errektorearen berritze partziala eta organo honetako presidente berriaren, Xabier Bengoetxearen, izendapena izan da. Xabier zuzenbidean EHUn lizentziatua da eta 2008tik konpainiako Giza Baliabideetako zuzendari legez aritu da eta Kontseilu Errektoreko kidea zen duela bi urtetik.Bestalde, eredu kooperatibistaren elkartasun-mekanismoak baliatuz, bazkideek, konpainiak hurrengo urteotan garatuko duen anbizio handiko plan estrategikoa bideratzeko, %6,48ko soldata jaitsiera baloratu dute (bozketa honen boto-kontaketa maiatzaren 13an egingo da).

.

* Maiatzaren 16an, Eskoriatzan

• Egokitze ikasketak.
• 2.  gradu edo aipamena.
• Gradu semi-presentziala.

Goi Eskola Politeknikoan hauxe da hurrengoko zita:

* Maiatzaren 11an, Arrasaten

Goizeko 10.30etan graduen inguruko informazioa eskainiko da
Arrasateko kanpusean.

Enpresagintza fakultatean hauek dira ate irekien jardunaldiak:

* Maiatzaren 24an, Madrilen, graduen inguruko informazioa

* Maiatzaren 25ean, Bilbao/Uribitarte, 6an izango da, goizeko 11etan.

* Maiatzaren 31an, Madrilen, graduen inguruko informazioa.

* Ekainaren 15ean, 22an eta 28an, Madrilen, graduen inguruko informazioa.

* Uztailaren 5ean, 12an eta 19an, 26an eta 27an, Madrilen, graduen inguruko informazioa.

Gastronomia Zientzien fakultatean, honako hau da hurrengo zita:

* Maiatzaren 25ean, Donostian, goizeko 10.30etan emango da informazio orokorra.

Sartu hemen eta ikusi salgai dauden erropak eta beraien prezioak!!

Txirrindularitza, triathloia edo atletismoa praktikatzen baduzu, ez utzi alde egiten aukera honi!! Ez zara damutuko!!

Horretaz gain, Mondragon Unibertsitateak webgune berezia du modelo guztiak eta prezioak kontsultatzeko.

Edozein modutan, eskaerak bideratzeko honako helbide eta telefonoa hartu behar da kontuan:

MU Kirol Zerbitzua

kirolak.mgep@mondragon.edu

943 712 033

• Kalifikazioak finantza-parametroen sendotasuna islatzen du.

• Fitch agentziaren arabera, aktibo problematikoen hornikuntza egokia da, eta likidezia-parametroak erosoak dira. Bestalde, kreditu-inbertsioaren gaineko gordailuen ratioak ere egokiak dira.

(2012a ixtean, emandako kredituen gaineko gordailuen ratioa % 86,9koa zen, sektoreko entitateen batez besteko ratioa % 70,9koa zen bitartean)

• Kapitalizazio-maila ere egokia da, entitatearen arrisku-profila kontuan hartuta.

(Kapitalizazio handia du, % 11koa. Beraz, etorkizunari begira, ondare-egoera onean dago, izan ere 2013ko urtarrilaren 01etik eskatzen den % 9ko gutxieneko maila aise gainditzen du)

• Era berean, positiboki baloratu da berankortasun-ratioa, sektorekoa baino txikiagoa baita.

(Aurreko ekitaldiaren amaieran, % 6,95ekoa zuen berankortasun-ratioa: sektoreko batez bestekoa baino dezente txikiagoa. Izan ere, sektoreko batez bestekoa % 10,4koa izatera heldu zen (% 11,4koa Sareb-en aurretik), erakunde nazionalizatuetako zalantzazko aktiboak Sareb-era pasatu ondoren)

• Gainera, EAEren eta Nafarroaren eragin-esparruan kontzentratuta egotea ere baloratu du, Espainiako gainerako erkidegoetan baino egoera hobea dugulako.

- Maiatzak 7: eskalada jaialdia Eskoriatzako kiroldegian.
- Maiatzak 9: eskalada jaialdia kalean, Eskoriatzako plazan.
- Maiatzak 12: irteera gidatua Tantadui Hariztira (Ibarraundi museotik abiatuta)
- Maiatzak 14: Eskoriatzako trenbidearen zati bat ezagutzeko aukera: Zarimutz-Eskoriatza.
- Maiatzak 15: bilera irekia "Eraiki dezagun denon artean mendi elkartearen etorkizuna". Arratsaldeko 7etan, udaletxean.
- Maiatzak 21: "Pura vida" filmaren emanaldia. Arratsaldeko 7etan HUHEZIn.
- Maiatzak 23: Orienting zirkuitoa, "Ez zaitez galdu Eskoriatzan" izenpean. (5etatik 7etara)
- Maiatzak 26: "Garaio orienting" parkera irteera. Goizeko 10etan plazatik abiatuta.
- "Gabez takarraran"-en aurkezpena. Arrratsaldeko 7etan Ibarraundi museoan.