Irakurriena
- 1. Kooperatiben Korrikako argazki galeria ikusgai
- 2. Aldapako Korrika arrakastatsua
- 3. Laboral Kutxaren 'Zentzua' esperientzia, TU Lankideren gai nagusia
- 4. 'Nature' aldizkariaren arabera desberdintasunaren aurkako eta jasangarritasunaren aldeko eredua da MONDRAGON
- 5. MONDRAGONeko kooperatibek 55 kilometro eta hamarnaka ekimen Korrikan
- 6. Bexen Cardiok bat egin du Korrika 23rekin
- 7. Fagor Electrónicak Triax Digital Solutions (TDS) erosi du, egoitza eta hirugarren sektorerako multimedia soluzioen merkatua gidatzeko
- 8. Nerea Aranguren, DanobatGroupeko eta MIAko zuzendari nagusia eta MONDRAGONeko lehendakariorde berria
- 9. Kooperatibismoaren emakume aitzindariak omen dituzte Kooperatiben Kontseiluak eta Konfekoopek
- 10. 74ko sortzaileei omenaldia egin diete Aurrenak kooperatiban
“Marketin mugikorrari” buruzko doako jardunaldia gaur Enpresagintzan
Mondragon Unibertsitatearen Enpresagintza Fakultatearen Oñatiko Campusak jardunaldi bat egingo du gaur martxoaren 6an. Bertan, esperientzia praktikoak azaldu eta marketin mugikorraren inguruko kontzeptuak azalduko dira. 'Mobile marketing’ izenez ere ezaguna den diziplina horrek gailu mugikorren bidez egindako marketin-ekintzak diseinatu eta ezartzera bideratutako jarduera guztiak biltzen ditu.
Mondragon Unibertsitateak egungo egoeraren eta marketin mugikorrean dauden joera berrien ikuspegi aplikatua emateko helburuarekin antolatu du jardunaldia, bai ikasleentzat bai profesionalentzat. Sarrera librea denez, jardunaldira etorri nahi dutenak migarzabal@mondragon.edu posta helbidea edo 943 71 80 09 telefonoa erabiliz jarri beharko dira gurekin harremanetan.
Hitzaldia 14:00etan hasiko da Mikel Mesonero Mondragon Unibertsitatearen Enpresagintza Fakultateko koordinatzaile akademikoaren eskutik, eta berak egingo du ekitaldiaren aurkezpena. Ondoren, honako bi txosten hauek aurketuko dituzte: “Mobile sektorearen gakoak”, RocaSalvatella enpresako Lluis Escribanok, eta “Mugikorrak dakarren haustura zakarrarekin lotutako erronkak, portaera berriak dakartzan aldetik, eta horren eragina gure garaian”, Mindsharewordeko Pilar Martinezek.
16:30ean lehen kasu praktikoak azaltzen hasiko dira Codesuyntax-eko Mikel Lizarralde eta Lynber-eko Adolfo Muguerza.
Ekitaldiari amaiera emateko, Mondragon Unibertsitateko Eskola Politeknikoko irakasle eta ikertzaile Dani Reguerak “weba, Mobile Marketingaren ezinbesteko erreminta” konferentzia emango du 17:30ean.